Хитой Халқ Республикасининг Цзянсу провинцияси губернатори билан учрашув бўлиб ўтди

Хитой Халқ Республикасининг Цзянсу провинцияси губернатори Су Кунлин бошчилигидаги делегациянинг юртимизга ташрифи доирасида жорий йилнинг 21-сентябрь куни Савдо-саноат палатасида делегация аъзолари билан учрашув бўлиб ўтди.

Учрашув давомида хитойлик тадбиркорлар ўзларининг компаниялари фаолияти тўғрисида батафсил маълумот берди, шунингдек, Савдо-саноат палатасидан юртимизда инвестициявий лойиҳаларни амалга оширишда ва ишончли ҳамкорлар топишда кўмак сўради. 

Хусусан, учрашувда қишлоқ хўжалиги, текстил, энергетика, автомобил ва қурилиш материаллари саноати соҳаларидаги ҳамкорлик истиқболлари муҳокама қилинди.

Учрашув якунида Палата вакиллари меҳмонларга ташриф учун миннатдорлик билдириб, Савдо-саноат палатаси икки мамлакат ўртасида ўзаро ҳамкорликни кенгайтириш ва савдо-иқтисодий лойиҳаларни амалга оширишда кўмаклашишга тайёр эканини маълум қилди.

ССП Матбуот хизмати