5.03.21

500 нафар тадбиркор бўлиш истагидаги ёшлар билан учрашув ўтказилди

4.03.21

Ҳар бир “ВАТТ” қадрли

3.03.21

"Ёшлар: 1+1" дастури доирасида ташкил этилган ўқув курсларини муваффақиятли тамомлаган ёшларга сертификатлар топширилди

3.03.21

«Palata Eksport» Унитар корхонаси ташқи савдо операциялари бўйича товар экспертизаси соҳасида хизматларни таклиф этади

3.03.21

Ўзбекистон Савдо-саноат палатасида экспортга кўмаклашиш бўйича ваколатли вазирлик ва идоралар масъул ходимлари таркибидаги Ишчи гуруҳининг видеомулоқоти бўлиб ўтди

23.01.17

Ўзбекистон Республикаси Ички ишлар вазирлиги

20.01.17

Министерство Минобороны Республики Узбекистан И активный

10.05.16

Ўзбекистон Республикаси Ахборот технологиялари ва коммуникацияларини ривожлантириш вазирлиги

11.12.15

Россия Федерацияси

11.12.15

Украина

«Мамлакатнинг демократик янгиланиши ҳамда модернизациясида аёлларнинг роли: Ўзбекистон тажрибаси ва халқаро амалиёт»

Пойтахтимизнинг «International Hotel Tashkent» меҳмонхонасида «Мамлакатнинг демократик янгиланиши ҳамда модернизациясида аёлларнинг роли: Ўзбекистон тажрибаси ва халқаро амалиёт» мавзуида халқаро конференция бўлиб ўтди.

Хотин-қизлар қўмитаси томонидан ташкил этилган конференция ишида дунёнинг 30 га яқин давлатидан халқаро аёллар институтлари вакиллари, сиёсат, ижтимоий-иқтисодий ҳаётда фаол бўлган аёллар иштирок этади.

Тадбирни Бош вазир ўринбосари, Хотин-қизлар қўмитаси раиси Танзила Нарбаева, БМТ Координатори ҳамда БМТ Тараққиёт дастурининг Ўзбекистондаги доимий вакили Хелена Фрейзерлар очиб берди.

Конференция ишида БМТнинг махсус вакили, Бош котиб, БМТ ҳудудий  Маркази раҳбари Наталья Герман, гендер масалалари бўйича ЕХҲТ амалдаги раисининг махсус вакили Меланне Вервиир, ЕХҲТ гендер масалалари бўйича катта маслаҳатчи Амарсанаа Дарисурен, Аёллар, тинчлик ва хавфсизлик ишлари бўйича Жоржтаун университетининг коммуникациялар бўйича менеджери Сара Рутерфорд, ЕХҲТ Италиядаги ваколатхонаси маслаҳатчиси Алессандра Скалиа, Гендер масалалари бўйича маслаҳатчи, ЕХҲТ котибияти Ульрике Шмидт иштирок этади. Шунингдек қуйидаги давлат вакиллари Афғонистон аёллар масалалари бўйича вазири Дилбар Назарий, Озарбайжон Республикаси Оила, аёллар ва болалар масалалари бўйича давлат қўмитаси раиси ўринбосари Садагат Гахраманова, Қозоғистон республикаси Президенти ҳузуридаги аёллар, оила-демографик сиёсати бўйича Миллий комиссия вакили Асия Хайрулина, Беларус Республикаси Миллий йиғилиш вакиллари палатаси доимий комиссияси Ольга Петрашова, Прага фуқаролик жамияти Маркази Прага дастури директори Габриела Сваровска, Бутунхитой Федерацияси департаменти раиси Чэнь Сяося, Қирғизистон аёллари дастури Координатори Джамиля Капаровалар иштирок этди.

Конференция иши учта пленар йиғилишдан иборат бўлиб, уларда гендер тенглик, аёлнинг давлат бошқарувидаги роли ва имкониятлари, аёллар бандлиги ва тадбиркорлиги, аёлларни ижтимоий ҳимояси масалалари муҳокама этилди. 

Халқаро миқёсдаги мазкур конференцияни ўтказишдан асосий мақсад халқаро ҳамжамиятни Ўзбекистон аёлларининг жамият ва давлат бошқарувидаги давлат сиёсатининг истиқболли йўналишлари билан таништириш, аёлларнинг ижтимоий-сиёсий, иқтисодий йўналишдаги роли борасида халқаро тажрибани ўрганишдан ҳамда келгусида ҳаётга тадбиқ этишдан иборат.

Қандай масалалар ҳал этилди? Давлат ва жамият бошқарувида аёлларнинг роли ва аҳамиятини муҳокама этиш, аёлларнинг ҳуқуқ ва эркинликлари ҳамда қонуний манфаатларини ҳимоя қилиш масалаларида ҳамкорлик ўрнатиш, Аёлларнинг мавжуд салоҳиятини ҳаётга тадбиқ этиш шакллари ва имкониятларини муҳокама этиш. Хотин-қизларни уларнинг иштироки бўлмаган ёҳуд кам бўлган соҳаларга жалб қилиш стратегиясини ишлаб чиқиш, оила, оналик ва болаликни ҳимоя қилиш, шунингдек гендер тадқиқот натижалари тўғрисида маълумот алмашиш. Имконияти чекланган хотин-қизлар учун иш ўринлари яратиш бўйича чора тадбирлар ишлаб чиқиш, аёллар тадбиркорлигини ривожлантириш, бадиий, илмий, техникавий қобилиятларини ривожлантириш борасида тажриба ўрганиш каби масалалар, Қўмитанинг аёллар масаласидаги халқаро алоқаларини кенгайтириш масалалари муҳокама этилди.

Мазкур тадбирни ташкиллаштиришда асосий ҳамкорлар сифатида Олий Мажлис Қонунчилик палатаси ва Сенати, Ташқи ишлар вазирлиги, Ўзбекистон Савдо-саноат палатаси,  НИМФОГО, Ўзбекистон касаба уюшмалари федерацияси, ЎзЭОАВМА ҳамда НАННОУз қатнашди. БМТнинг Ўзбекистондаги тараққиёт дастури, Ф.Эберт (ФРГ) жамғармасининг Ўзбекистондаги ваколатхонаси, ЕХҲТ лойиҳалари Координатори, ЮНИСЕФнинг Ўзбекистондаги ваколатхонаси, ЮНФПА конференциянинг халқаро ҳамкорлари бўлди.

8 ноябрь куни хорижий меҳмонлар учун Самарқанд шаҳридаги тарихий обидалар бўйлаб саёҳат уюштирилди.

 

ЎзССП Ахборот хизмати

08.11.2018

14:52

Мурожаатингиз мувафаққиятли юборилди!
x

Саволлар беринг

Формани тўлдиринг, шунда биз сизга қўнғироқ қиламиз ва барча саволларингизга жавоб берамиз

+998(78) 150-60-06