Eron-O‘zbekiston Savdo palatasi raisi bilan uchrashuv bo‘lib o‘tdi

Joriy yilning 31 may kuni O‘zbekiston Savdo-sanoat palatasida Eron-O‘zbekiston Savdo palatasi raisi Musa Agxey bilan uchrashuv bo‘lib o‘tdi.

Uchrashuv davomida tomonlar ikki tashkilotning joriy faoliyati haqida ma’lumot berdilar, shuningdek, O‘zbekiston va Eron o‘rtasidagi savdo-iqtisodiy aloqalarni kengaytirish istiqbollarini muhokama qilindi.

Savdo-sanoat palatasi raisi D.Vaxabovning joriy yil mart oyida Eronga tashrifi davomida erishilgan kelishuvlarni amalga oshirish bo‘yicha rejalar va hamkorlik yo‘nalishlari ko‘rib chiqildi.

Savdo-sanoat palatasi vakili ikki mamlakat tadbirkorlari o‘rtasida savdo-sanoat hamkorligini kengaytirish maqsadida iqtisodiyotning turli sohalaridagi Eron ishbilarmon doiralari vakillarini biznes uchrashuvlari o‘tkazish, istiqbolli loyihalar va muammoli masalalarni muhokama qilish uchun O‘zbekistonga tashrif buyurishni taklif qildi.

Uchrashuv yakunlari bo‘yicha tomonlar O‘zbekiston va Eron tadbirkorlari o‘rtasida ishbilarmonlik aloqalarini kengaytirish, o‘zaro savdo va sarmoya hajmini oshirishga qaratilgan amaliy chora-tadbirlar rejasini ishlab chiqishga kelishib oldilar.

SSP matbuot xizmati