27.01.23

Qirg‘iziston-O‘zbekiston ishbilarmonlar kengashining ikkinchi yig‘ilishi

27.01.23

Savdo-sanoat palatasida Prezident Qarori ijrosiga oid huquqiy masalalar muhokama qilindi

26.01.23

Mo‘g‘iliston va Tojikiston delegatsiyalarining Palataga tashrifi

25.01.23

Fransiya bilan o‘zaro munosabatlar mustahkamlanmoqda

24.01.23

Savdo-sanoat palatasi faoliyatini yanada takomillashtirish bo‘yicha qo‘shimcha chora-tadbirlar to‘g‘risida

23.01.17

O`zbekiston Respublikasi Ichki Ishlar vazirigi

20.01.17

Министерство Минобороны Республики Узбекистан И активный

10.05.16

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi

11.12.15

Rossiya Federatsiyasi

11.12.15

Ukraina

Turkiya-O‘zbekiston iqtisodiy hamkorligini yanada rivojlantirishda yangi istiqbollar

Joriy yilning 24 noyabr kuni “Wyndham Tashkent” mehmonxonasida Turkiya Iqtisodiy tadqiqotlar fondi va O‘zbekiston Savdo-sanoat palatasi tomonidan tashkil etilgan "Turkiya-O‘zbekiston iqtisodiy hamkorligini yanada rivojlantirishda yangi istiqbollar" simpoziumi bo‘lib o‘tdi. 

Simpoziumning ochilish marosimida, Turkiya Iqtisodiy tadqiqotlar fondi prezidenti Professor Axmet Indjekara, O‘zbekiston Respublikasi Senati Raisining Birinchi O‘rinbosari Sodiq Safoyev, O‘zbekiston Savdo-sanoat palatasi raisi Davron Vahobov, Turk hamkorlik va muvofiqlashtirish agentligi (TIKA) Koordinatori Jemalettin Tunay, Turkiya Respublikasining O‘zbekistondagi Favqulodda va muxtor elchisi Olgan Bekar, Turkiya Savdo vazirining o‘rinbosari Sezay Ucharmak ishtirok etdi.

      

Davron Vahobov o‘z chiqishlarida, bugungi kunda Turkiya O‘zbekistonning 5ta eng yirik savdo hamkorlaridan biri ekanligini va 2022 yilning yanvar-oktabr oyida O‘zbekiston bilan Turkiya o‘rtasidagi tovar aylanmasi 2690,5 mln.dollarni, shu jumladan eksport – 1286,7 mln.doll. (-5,5%), import – 1403,7 mln.doll. (+4,1%) tashkil etganini taʼkidladi.

Turkiya Respublikasi O‘zbekistonning mintaqadagi yirik va muhim iqtisodiy hamkori hisoblanadi. Bugungi kunda Turkiya tadbirkorlari birinchilardan bo‘lib O‘zbekistondagi investitsion loyihalarda ishtirok etmoqda.

2022 yil 1 noyabr holatiga ko‘ra O‘zbekiston Respublikasida Turkiya sarmoyalari ishtirokida 2 130 ta korxona faoliyat ko‘rsatmoqda. Shundan 811 ta qo‘shma korxona va 1319 ta 100% turk kapitali asosida faoliyat olib borayotgan xorijiy korxonalar.

Ushbu korxonalar faoliyatining asosiy yo‘nalishlari: to‘qimachilik sanoati, savdo, transport va logistika, turli xizmatlar ko‘rsatish, qurilish, mebel ishlab chiqarish va boshqalar.

    

Mazkur simpoziumdan maqsad – O‘zbekiston va Turkiyaning Iqtisodiy profili va o‘zaro potensial hamkorlik imkoniyatlarini, shu jumladan, ikki mamalakat o‘rtasidagi tashqi savdo istiqbollarini bugungi va kelajakdagi o‘rni va ahamiyatini o‘rganishdan iborat.

Panel sessiyalar doirasida, vazirlik va idoralar mutasaddilari hamda Turkiya va O‘zbekiston tashkilotlari va oliy taʼlim muassasalari vakillari ishtirokida, O‘zbekistonda mehnat erkinligi va rivojlanish istiqbollari, chorvachilik sohasida sunʼiy intellektdan foydalanish, biznes va nodavlat tashkilotlarning mamlakat iqtisodiyotiga qo‘shgan hissasi, kriptovalyutalar va raqamli valyutalarning jahon iqtisodiyoti va savdosiga taʼsiri,  Turkiyaga eksport qilayotgan O‘zbekiston kompaniyalarining muvaffaqiyat tarixi, shuningdek, O‘zbekistonga investitsiya kiritayotgan kompaniyalarning muvaffaqiyati kabi mavzularida taqdimot va maʼruzalar tinglandi.

    

Shuningdek, simpozium doirasida qishloq xo‘jaligi, qurilish, suv taʼminoti, mebel ishlab chiqarish va yuridik xizmatlar sohasida faoliyat olib boruvchi ishbilarmon doira vakillari o‘rtasida B2B uchrashuvlar bo‘lib o‘tdi.

Taʼkidlash joizki, bu kabi simpoziumlar ikki mamlakat o‘rtasidagi investitsion muhitni yaxshilashda katta ahamiyatga ega, qolaversa, tadbirkorlar faoliyatiga foydali va yangicha turtki berib, mamlakatimiz iqtisodiyotiga ijobiy taʼsir ko‘rsatadi.

SSP matbuot xizmati

24.11.2022

15:42

Murojaatingiz muvafaqqiyatli yuborildi!
x

Savollar bering

Formani to'ldiring, shunda biz sizga qo'ng'iroq qilamiz va barcha savollaringizga javob beramiz

+998(78) 150-60-06