25.10.21

AYRIM TURDAGI MEVALAR BOJХONA BOJIDAN OZOD QILINDI

18.10.21

Bekobod shahrida "Yoshlar 1+1" dasturi doirasida yoshlarga imtiyozli kreditlar ajratish yuzasidan ishlar surati jadal ketmoqda.

18.10.21

Sirdaryoda tadbirkorlarning muammolariga “mijozbay” tizimi orqali amaliy yordam koʼrsatilmoqda

18.10.21

Yakkasaroy tumanida oʼquv kurslarining navbatdagi bosqichi boshlandi

18.10.21

Nurafshon shahrida kichik sanoat zonasida faoliyat yurituvchi tadbirkorlik subyektlari faoliyati oʼrganildi.

6.10.21 - 8.10.21

To'qimachilik va moda sanoati

6.10.21 - 8.10.21

To'qimachilik uskunalari va texnologiyalari

23.01.17

O`zbekiston Respublikasi Ichki Ishlar vazirigi

20.01.17

Министерство Минобороны Республики Узбекистан И активный

10.05.16

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi

11.12.15

Rossiya Federatsiyasi

11.12.15

Ukraina

“O'zbekiston-Niderlandiya” Agro-Forumi

Joriy yilning 13-14 mart kunlari Niderlandiya Qirolligining so'nggi yillardagi O'zbekistonga eng yirik savdo missiyasi bo'lib o'tdi. Savdo missiyasida golland qishloq xo'jaligining turli sektorlariga mansub 35 ta yetakchi kompaniya ishtirok etdi.
Ushbu forumdan ko'zlangan asosiy maqsad Niderlandiya va O'zbekiston agrariylari o'rtasida yaqin ishbilarmonlik munosabatlarini o'rnatish, o'zbek fermerlari, kompaniyalari va qishloq xo'jaligi korxonalariga golland qishloq xo'jaligi kompaniyalari tomonidan taklif qilinayotgan zamonaviy texnologiyalar bilan tanishtirishdan iborat bo'ldi. Forumning dasturi Niderlandiyada urug'chilik, issiqxona tarmog'i, qishloq xo'jaligi mahsulotlarini saqlash texnologiyalari, parrandachilik, sut beruvchi chorvani yetishtirish, yem ishlab chiqarish hamda agrokonsalting kabi sohalarda faoliyat yurituvchi kompaniyalarning taqdimotlarini qamrab oldi. 
Aytish joizki, O'zbekiston va Niderlandiya qator sohalarda ajoyib hamkorlardir. Qishloq xo'jaligi borasida ikkala davlat ham qadimiy an'analarga boy hisoblanadi. Niderlaniyadagi kompaniyalarning katta guruhi tomonidan joriy yilda bo'lib o'tadigan Agroworld ko'rgazmasiga tashrif buyurish istagining bildirilgani biznesga doir manfaatdorlik va tayyorlik tezkor sur'atlarda o'sib borayotganidan dalolat beradi.
O'zbekistonning Belgiyadagi hamda Niderlandiyaning mamlakatimizdagi elchixonalari bergan ma'lumotlariga ko'ra, aksariyat kompaniyalar meva-sabzavot, jumladan issiqxona xo'jaliklari va kartoshka yetishtirish kabi sohalarga jalb etilgan. Ishtirokchi kompaniyalarning yana bir guruhi chorvachilik, xususan sut mahsulotlarini ishlab chiqarish va parrandachilik bilan shug'ullanadi. Agrar soha o'zbek-golland hamkorligining ustuvor yo'nalishi hisoblanadi. Ta'kidlanganidek, Niderlandiya tomonidan O'zbekiston davlat tuzilmalari, tadqiqot institutlari, xususiy sektori hamkorligida hamda xalqaro moliya institutlari ko'magida mamlakatimizdagi meva-sabzavot va chorvachilik sektorlarini yanada rivojlantirishga salmoqli hissa qo'shilishi mumkin.
Savdo missiyasi doirasida 14 mart kuni bo'lib o'tgan “O'zbekiston-Niderlandiya” Agro-Forumi davomida golland kompaniyalari o'zbekistonlik hamkasblariga urug'chilik, issiqxona tarmog'i, qishloq xo'jaligi mahsulotlarini saqlash texnologiyalari, parrandachilik, sut beruvchi chorvani yetishtirish, yem ishlab chiqarish hamda agrokonsalting kabi sohalardagi eng yangi texnologiyalarga oid ma'lumotni yetkazdilar.
Shu kungacha golland kompaniyalarining yarmidan ko'pi Markaziy Osiyo davlatlarida qishloq xo'jalik texnologiyalarini muvaffaqiyatli joriy etgan bo'lib, O'zbekiston Respublikasining agrobiznes sohasidagi salohiyatini yuksak baholamoqda.
“Golland biznesi anchadan buyon O'zbekiston Respublikasi qishloq xo'jaligi sohasining salohiyati va ishbilarmonlik jozibadorligini o'rganishga qiziqish bildirib kelgan. Bugun biz sabzavotchilik, issiqxona tarmog'i, sut beruvchi chorvani yetishtirish, yem ishlab chiqarish va agrokonsalting sohalaridagi barcha yo'nalishlarni taqdim etuvchi 35 dan ortiq yirik golland kompaniyalarini olib keldik. Umid qilamizki, mazkur tashrif o'rtamizdagi uzoq muddatli o'zaro manfaatli hamkorlikning boshlang'ich nuqtasiga aylanadi”, - deya qayd etdi o'z nutqida Niderlandiya Qirolligining Moskvadagi elchixonasi qishloq xo'jaligi masalalari bo'yicha masalahatchisi Meuves Brauer.
Forum chog'ida Niderlandiya tomoni iqtisodiyotni isloh qilish va liberallashtirish bo'yicha O'zbekiston Respublikasida olib borilayotgan ishlar bilan tanishtirildi.
Xususan, O'zbekiston iqtisodiyotini liberallashtirish va investitsiyalarni jalb etish hamda xalqaro ishbilarmon faollikni oshirish uchun qulay sharoitni yaratishga qaratilgan o'zgarishlar alohida qayd etildi.
Tomonlar shuningdek, ikkala davlat ham qishloq xo'jaligi, chorvachilik, meva-sabzavot mahsulotlarini qayta ishlash sohalaridagi hamkorlikni rivojlantirish uchun salohiyatga ega ekanligini ta'kidladilar.
Shu bilan birga, Agro-Forum doirasida o'zbek va golland biznesmenlarining shaxsiy uchrashuvlari (V2V) ham bo'lib o'tdi. Tomonlar o'z bilimlari va tajribalari bilan almashib, O'zbekiston Respublikasida qishloq xo'jaligi va meva-sabzavot sektorlarini rivojlantirish ustida ishlashga kelishdilar.
Tadbir doirasida ishtirokchilar ochiq muloqot shaklida O'zbekiston va Niderlaniya o'rtasidagi o'zaro manfaatli va ko'p tarmoqli hamkorlikni yanada mustahkamlash bo'yicha yangi g'oyalar va tashabbuslarni muhokama qildilar.
Savdo missiyasining ishtirokchilari bo'lgan alohida golland kompaniyalari “Qishloq xo'jaligi”-“ AgroWorld Uzbekistan 2018” 13-O'zbekiston Xalqaro Ko'rgazmasida o'z stendlarini taqdim etdilar. O'zbekistondagi Agroworld ko'rgazmasi va Agroforumda ishtirok etayotgan golland kompaniyalari qariyb butun agrosanoat sohasini qamrab oladigan mahsulotlar va xizmatlarning keng ko'lamini taqdim etdilar. 
Ko'rgazmaning rasmiy ochilish marosimida Niderlandiya Qirolligining Elchisi Rene Jons-Bos xonim ishtirok etdi.
Ma'lumot:

Niderlandiya aholisining soni 17 mln. odam. Mamlakatda gulchilik sektori yiliga 5,2 mlrd. yevroga teng ishlab chiqarish hajmini tashkil etadi. Meva-sabzavotchilik sohasidan yiliga 2,7 mlrd. yevro ishlanadi. Niderlandiyadan butun dunyoga meva-sabzavot mahsulotlarining eksporti hajmi 15,5 mln. yevroni tashkil etadi. Niderlandiya meva-sabzavot sektorida 400 ming odam band etilgan.

Bugungi kunda Niderlandiyaning issqixona ishlab chiqarishi ekspertlar tomonidan eng zamonaviy va talabga javob beradigan sifatida e'tirof etiladi. Bu holat mamlakatga, kichkina hududi va kam sonli aholisi bo'lishiga qaramay, agrosektorda xalqaro yetakchi bo'lib qolish imkonini beradi. Hozirda Niderlandiya qishloq xo'jaligi mahsulotlarini eksport qilish bo'yicha jahonda ikkinchi o'rinda turadi, o'simlikshunoslik sohasida esa yetakchi hisoblanadi.
Niderlandiya - seleksiya materiallarini ishlab chiqarish, qishloq xo'jaligidagi zamonaviy texnologiyalar, innovatsiyalar va ekspert tajribasi bo'yicha xalqaro yetakchidir. Mamlakatdagi qishloq xo'jaligining yuqori unumdorligi golland fermerlari, naslchilik xo'jaliklari, texnologiya ta'minotchilari, tadqiqot markazlari, oziq-ovqat mahsulotlariga ishlov berish kompaniyalari va hukumat o'rtasidagi o'zaro munosabatning noyob shakli bilan bog'liq. Doimiy investitsiyalar oqimi, yuksak innovatsiya va sheriklik tamoyillari - Niderlandiya butun dunyodagi hamkorlari bilan bo'lishishga tayyor bo'lgan o'ziga xos ekspertlik tajribasidir.
Gollandiya qishloq xo'jaligi sektori juda mahsuldor va innovatsion sanaladi. Umuman olganda urug'dan tortib to so'nggi iste'molchigacha bo'lgan jami agrosanoat zanjiri Niderlandiyada to'liq taqdim etilgan bo'lib, har bir segmentda xalqaro toifadagi kompaniyalar mavjud.
Qishloq xo'jaligi sohasi yuqori darajada mexanizatsiyalashgani bilan ajralib turadi. Qishloq xo'jaligida mehnatga layoqatli aholining faqat 2% band bo'lsada, sektor ham ishlab chiqarish sohasi, ham eksport uchun salmoqli qo'shimcha qiymatni hosil qiladi. Niderlandiya agrosanoat mahsulotlarini eksport qilish bo'yicha jahondagi ikkinchi yirik davlatdir.
Niderlandiya -  jahondagi 20-iqtisodiyot va Yevrohududdagi beshinchi eng yirik iqtisodiyotdir. Mamlakatda tarixan xalqaro savdoga yo'nalish olingan. Niderlandiya rivojlangan infratuzilmasi va zamonaviy texnologiyalari tufayli yuqori iqtisodiy ko'rsatkichlarga erishgan. Amsterdamdagi «Sxipxol» aeroporti - Yevropadagi eng muhim transport xablaridan biri sanaladi. Rotterdam porti Yevropadagi eng yirik portdir. Har yili Rotterdam portiga 140 000 kema (jumladan savdo kemalari) kiradi.
Niderlandiya Yevropaning transport va logistika darvozasi bo'lgani uchun doim chet ellik hamkorlar uchun jozibador bo'lib qoladi.
 

15.03.2018

14:52

Murojaatingiz muvafaqqiyatli yuborildi!
x

Savollar bering

Formani to'ldiring, shunda biz sizga qo'ng'iroq qilamiz va barcha savollaringizga javob beramiz

+998(78) 150-60-06