27.01.23

Qirg‘iziston-O‘zbekiston ishbilarmonlar kengashining ikkinchi yig‘ilishi

27.01.23

Savdo-sanoat palatasida Prezident Qarori ijrosiga oid huquqiy masalalar muhokama qilindi

26.01.23

Mo‘g‘iliston va Tojikiston delegatsiyalarining Palataga tashrifi

25.01.23

Fransiya bilan o‘zaro munosabatlar mustahkamlanmoqda

24.01.23

Savdo-sanoat palatasi faoliyatini yanada takomillashtirish bo‘yicha qo‘shimcha chora-tadbirlar to‘g‘risida

23.01.17

O`zbekiston Respublikasi Ichki Ishlar vazirigi

20.01.17

Министерство Минобороны Республики Узбекистан И активный

10.05.16

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi

11.12.15

Rossiya Federatsiyasi

11.12.15

Ukraina

Tadbirkorlar uchun qulayliklarni oshirish choralari muhokama qilindi

Prezident Shavkat Mirziyoevga tadbirkorlik faoliyatini soddalashtirish bo‘yicha qilinayotgan ishlar haqida axborot berildi.

Tadbirkorlikni rivojlantirish davlatimiz iqtisodiy siyosatining ustuvor yo‘nalishi. Bu borada yaratilayotgan sharoitlar tufayli ishbilarmonlar ko‘payib bormoqda. Mamlakatimiz yalpi ichki mahsulotining yarmidan ko‘pi kichik biznes subʼyektlari tomonidan ishlab chiqarilmoqda. Eksportda ham ularning o‘rni yuqori.

    

Bugungi kunda biznesni tartibga soluvchi 6 mingdan ortiq meʼyoriy-huquqiy va 40 mingta texnik hujjatlar mavjud. Ayrim eski talablar yangi mahsulotlar, texnologiyalar va xizmatlarni joriy etishni qiyinlashtirmoqda.

O‘zbekiston Respublikasi Prezidentining “Tadbirkorlik faoliyatini davlat tomonidan tartibga solishni soddalashtirish chora-tadbirlari to‘g‘risida”gi Farmoniga muvofiq, Taraqqiyot strategiyasini “Inson qadrini ulug‘lash va faol mahalla yili”da amalga oshirishga oid davlat dasturidan kelib chiqqan holda, tadbirkorlarning zamonaviy faoliyat yuritishiga to‘sqinlik qilayotgan talablar qayta ko‘rib chiqilib, bir qator yengilliklar joriy qilindi.

Xususan, tadbirkorlikni davlat tomonidan tartibga solish vositalari aniq belgilandi. Bular davlat ro‘yxatidan o‘tkazish, litsenziyalash va ruxsat berish, texnik tartibga solish, tarif va notarif tartibga solish, majburiy sug‘urta, davlat nazorati, raqobatni himoya qilish, javobgarlik o‘rnatish kabilardir.

Tahlillardan kelib chiqib, ko‘plab tartib-taomillar ham qisqartirildi. Masalan, tadbirkorlik subʼyektining ustav fondi kamaytirilayotganida kreditorlarni yozma ravishda xabardor qilish, elektr energiyasi ortiqcha isteʼmol qilinganida uni uzib qo‘yish, yakka tartibdagi tadbirkor tomonidan yollangan xodimlarni soliq organlarida alohida hisobga qo‘yish kabi jarayonlar ko‘p ovoragarchilikka sabab bo‘layapti. 2023 yil 1 yanvardan bunday majburiy talablar bekor qilinadi.

Shuningdek, tadbirkorlik sohasidagi majburiy talablarning yagona ryestrini joriy qilish mo‘ljallangan. U ikki bosqichda shakllantirilib, 2025 yil 1 iyuldan to‘liq ishga tushiriladi. Bu ryestrga kiritilmagan talablar bo‘yicha tadbirkorga nisbatan javobgarlik belgilash taqiqlanadi.

Prezidentimiz shu yil 22 avgust kuni bo‘lgan tadbirkorlar bilan ochiq muloqotda sohani raqamlashtirish, hujjatlarni qog‘oz shaklida saqlashni kamaytirish bo‘yicha ko‘rsatmalar bergan edi.

Ilgari amal qilgan tartibga ko‘ra, yuridik shaxsning ish haqlari va boshqa daromadlari, ular bo‘yicha hisoblangan soliq summalari to‘g‘risidagi hujjatlar 75 yil davomida qog‘oz holida saqlanishi kerak edi. Ular soliq idoralari bazasida borligi uchun, yangi farmon bilan ularni qog‘ozda saqlash bekor qilindi. Shuningdek, tadbirkorlik subʼektlari o‘zlarining ichki buxgalteriya birlamchi hujjatlarini axborot tizimlari orqali tuzganda, ularni qog‘oz shaklida yuritishdan ozod etildi. Bu o‘zgarishlar natijasida 587 mingta korxona qog‘ozbozlikdan qutulib, ishi yengillashadi.

Shuningdek, 2023 yil 1 yanvardan boshlab soliq organlariga moliyaviy hisobotlarni har chorakda taqdim qilish, 9 xil statistika hisobotlarini topshirish amaliyoti bekor qilinadi.

Davlatimiz rahbari mutasaddilarning axborotini tinglab, ushbu farmon ijrosini samarali tashkil etish, mamlakatimizda tadbirkorlik faoliyatini yuritishni soddalashtirish, qulay biznes muhitini yaratish ishlarini izchil davom ettirishga ko‘rsatma berdi.

President.uz

 

16.11.2022

16:12

Murojaatingiz muvafaqqiyatli yuborildi!
x

Savollar bering

Formani to'ldiring, shunda biz sizga qo'ng'iroq qilamiz va barcha savollaringizga javob beramiz

+998(78) 150-60-06