7.12.21

“Farg‘ona vodiysida fermerlarini iqlim o‘zgarishi xatarlariga moslashuvi va barqarorligini oshirish” loyihasining Muvofiqlashtiruvchi kengashining yakuniy yig‘ilishini o‘tkazildi

22.11.21

SERTIFIKATLASH LOZIM BOʻLGAN MAHSULOTLAR ROʻYХATI QISQARTIRILDI

8.11.21

"Brendingiz davlat himoyasida” mavzusida davra suxbati va master-klaass tashkil etilidi.

27.10.21

82 TURDAGI ХOM ASHYO VA YARIM TAYYOR MAHSULOTLAR IMPORT BOJХONA BOJIDAN OZOD QILINDI

25.10.21

AYRIM TURDAGI MEVALAR BOJХONA BOJIDAN OZOD QILINDI

23.01.17

O`zbekiston Respublikasi Ichki Ishlar vazirigi

20.01.17

Министерство Минобороны Республики Узбекистан И активный

10.05.16

O‘zbekiston Respublikasi Axborot texnologiyalari va kommunikatsiyalarini rivojlantirish vazirligi

11.12.15

Rossiya Federatsiyasi

11.12.15

Ukraina

Toshkentda Oʼzbekiston-Turkmaniston iqtisodiy forumi boʼlib oʼtdi

4 oktyabr kuni Toshkentda Turkmaniston Prezidentining Oʼzbekiston Respublikasiga tashrifi arafasida Oʼzbekiston-Turkmaniston iqtisodiy forumi boʼlib oʼtdi.

Xorijiy delegatsiyaga Turkmaniston Vazirlar Mahkamasi Raisining oʼrinbosari E.Orazgeldiev, Oʼzbekiston delegatsiyasiga esa Oʼzbekiston Respublikasi Bosh vazirining oʼrinbosari - investitsiyalar va tashqi savdo vaziri S.Umurzakov boshchilik qildi.

Tadbirda asosiy vazirlik, idora, tarmoq birlashmalari va assotsiatsiyalari, savdo - sanoat palatalari rahbarlari, shuningdek, ikki mamlakat ishlab chiqaruvchilari va tadbirkorlari, jami 100 nafardan ortiq ishtirokchilar qatnashdi.

Ikki mamlakat delegatsiyalari rahbarlari oʼz chiqishlarida ikki Davlat rahbarlarining saʼy-harakatlari tufayli erishilgan Oʼzbekiston-Turkmaniston iqtisodiy hamkorligi rivojlanishining jadal surʼatlarini qayd etdilar. Jumladan, soʼnggi bir necha yil ichida ikki mamlakat oʼrtasidagi savdo aylanmasi 3 barobar oshdi va barqaror oʼsishda davom etmoqda. Joriy yilning dastlabki 8 oyida pandemiyaning iqtisodiyotga salbiy taʼsiriga qaramasdan oʼzaro savdo hajmi oʼtgan yilning shu davriga nisbatan 25% oʼsishni koʼrsatdi.

E.Orazgeldiev Turkmaniston qishloq va suv xoʼjaligi, sanoat, energetika, savdo, transport va atrof-muhitni muhofaza qilish sohalarida ikki tomonlama hamkorlikni rivojlantirishga ustuvor ahamiyat berayotganini taʼkidladi. Sanoat kooperatsiyasi, raqamlashtirish, innovatsion texnologiyalar va ikki davlatni bogʼlovchi transport-logistika yoʼnalishlarini rivojlantirish sohalarida hamkorlikni chuqurlashtirish istiqbollari qayd etildi.

Oʼzbekiston tomoni ikki tomonlama savdo-iqtisodiy va investitsiyaviy hamkorlikning ishga solinmagan salohiyatidan toʼliq foydalanish uchun ikki mamlakat iqtisodiyotlarining mavjud resurslari va imkoniyatlarini safarbar qilish dolzarbligini qayd etdi. Shu nuqtai nazardan, yirik investitsiya loyihalarini amalga oshirish va oʼzaro manfaatli savdo bitimlarini tuzishni koʼzlagan holda, ikki mamlakat ishbilarmon doiralari oʼrtasida amaliy hamkorlikni yoʼlga qoʼyish uchun qulay shart-sharoitlar yaratish boʼyicha birgalikda samarali ishlarni olib borishga doir muntazam muloqot oʼrnatish muhimligi taʼkidlandi.

Oʼzbekiston va Turkmaniston iqtisodiyotlarining qiyosiy afzalliklarini hisobga olgan holda ikki mamlakat hududida qoʼshma korxonalar tashkil etish hamda uzluksiz qoʼshilgan qiymat zanjirlarini shakllantirish orqali sanoat kooperatsiyasini rivojlantirishga alohida eʼtibor qaratildi. Bu yoʼnalishda avtomobilsozlik, elektrotexnika va charm-poyabzal sanoati, qishloq xoʼjaligi mahsulotlarini qayta ishlash, qurilish materiallari ishlab chiqarish hamda boshqa tarmoqlarda erishilgan muvaffaqiyatlar qayd etildi.

Delegatsiyalar rahbarlari soʼzlarining yakunida forum ishtirokchilarini qoʼshma loyihalar va savdo bitimlarini amalga oshirish yuzasidan aniq kelishuvlarga erishish maqsadida faol hamkorlik qilishga chaqirdi.

Forum davomida ikki mamlakat turli tarmoqlarining investitsiyaviy, sanoat va savdo salohiyatini ochib beruvchi taqdimotlar oʼtkazildi. Shuningdek, tadbir ishtirokchilari “Made in Uzbekistan” sanoat koʼrgazmasiga tashrif buyurib, unda oʼzbek ishlab chiqaruvchilarining mahsulotlari bilan tanishish imkoniga ega boʼldilar. Bundan tashqari, ikki mamlakat tadbirkorlari bir qator В2В uchrashuvlarini oʼtkazib, hamkorlikni yoʼlga qoʼyish va istiqbolli sohalarda aniq loyihalarni amalga oshirish imkoniyatlarini muhokama qildilar.

Forum yakunida qishloq xoʼjaligi, kimyo, toʼqimachilik, elektrotexnika, charm-poyabzal, oziq-ovqat va farmatsevtika sanoati, vinochilik, avtomobilsozlik hamda qurilish materiallari ishlab chiqarish sohalarida qator investitsiyaviy bitimlar va savdo shartnomalari imzolandi.

SSP Axborot-xizmati 

05.10.2021

14:52

Murojaatingiz muvafaqqiyatli yuborildi!
x

Savollar bering

Formani to'ldiring, shunda biz sizga qo'ng'iroq qilamiz va barcha savollaringizga javob beramiz

+998(78) 150-60-06