O‘zbekiston Savdo-sanoat palatasi raisi Davron Vaxabov Afg‘onistonning Baglan viloyatida joylashgan Baglan Sugar Company shakar zavodiga tashrif buyurdi. 1938 yilda tashkil etilgan mazkur korxona Afg‘onistondagi eng yirik shakar ishlab chiqaruvchi korxonalardan biri hisoblanadi.

Uchrashuv davomida ishlab chiqarish jarayonlari, texnologik imkoniyatlar va qo‘shma hamkorlik yo‘nalishlari muhokama qilindi. Shuningdek, shakar mahsulotlarini O‘zbekistonga eksport qilish va zavod uchun zarur xomashyoni import qilish masalalari bo‘yicha fikr almashildi.

Tashrif doirasida ikki tomonlama hamkorlikni mustahkamlash va shakar sanoatidagi savdo-sotiq aloqalarini kengaytirish yuzasidan kelishuvlarga erishildi.

SSP matbuot xizmati