“O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirish bo‘yicha davlat dasturi va uni tasdiqlash to‘g‘risidagi O‘zbekiston Respublikasi Prezidenti Farmoni loyihalari ishlab chiqilib, keng jamoatchilik muhokamasi uchun www.uzbekistan2030.uz va regulation.adliya.gov.uz veb-saytlariga joylashtirildi.

Davlat dasturi loyihasida 5 ta ustuvor yo‘nalish bo‘yicha 2025 yil uchun amaliy chora-tadbirlar, normativ-huquqiy hujjatlar ro‘yxati va maqsadli ko‘rsatkichlar nazarda tutilmoqda.

Jumladan, Farmon loyihasiga ko‘ra, “Yashil tadbirkor” platformasi ishga tushiriladi va ushbu tadbirkorlarga “Shaffof qurilish” tizimida afzallik berish, xalqaro bozorga chiqish uchun qo‘llab-quvvatlash kabi choralar ko‘riladi.

Loyiha 2025 yil 22 yanvarga qadar keng jamoatchilik va ekspertlik muhokamalaridan o‘tkaziladi.

SSP matbuot xizmati