O‘zbekiston Savdo-sanoat palatasiga qonun bilan tadbirkorlik sohasi qonunlari ijrosi ustidan jamoat nazoratini olib borish vakolati berilgan. Bu vakolat birinchi navbatda biznes sohasida korrupsiyaga imkon yaratayotgan shart-sharoitlarni bartaraf etishga qaratilgan.

Joriy yilning o‘zida tadbirkorlik subyektlari faoliyatida tekshiruv o‘tkazishga maxsus guvohnoma olish uchun 35 ta nazorat qiluvchi organlarning 1 558 nafar mansabdor shaxsi attestatsiyadan o‘tkazildi.

Ushbu o‘tkazilgan attestatsiyada 1 312 nafar mansabdor shaxslarga maxsus guvohnoma berilib, 246 nafar mansabdor shaxsga maxsus guvohnoma berish rad etildi.

Korrupsiyaga qarshi kurashish Xartiyasiga qabul qilish bo‘yicha maxsus komissiyaning 7-yig‘ilishi o‘tkazilib, Xartiya aʼzolari soni 391 nafarga yetkazildi.

O‘zbekiston Respublikasi Prezidentining 2024 yil 14 noyabrdagi PF-184-son hamda O‘zbekiston Respublikasi Vazirlar Mahkamasining 2022 yil 19 oktyabrdagi 611-son Qaroriga asosan, 43 ta nazorat qiluvchi organlar faoliyatida tadbirkorlik subyektlari tomonidan qonunbuzarlik sodir etilishi xavfidan kelib chiqib, “xavfni tahlil etish” tizimini joriy etish tartibi to‘g‘risida ishlab chiqilgan nizom loyihalari bo‘yicha jamoatchilik ekspertizalari o‘tkazildi.

SSP matbuot xizmati