HURMATLI YURTDOSHLAR!

Joriy yilning 1–10 dekabr kunlari poytaxtimizdagi “Anhor” bog‘ida o‘ziga xos va shirin bayram — “Asal bayrami” va asalarichilik mahsulotlari ko‘rgazma-yarmarkasi bo‘lib o‘tadi!

Bu tadbir nafaqat asal mahsulotlari ishqibozlari uchun, balki sog‘lom turmush tarzi tarafdorlari, innovatsiya va asalarichilik sohasiga qiziquvchilar uchun ham katta imkoniyatdir.

Bu yerda siz yurtimizning barcha hududlaridan keltirilgan sifatli va turli xildagi asal hamda asalarichilik mahsulotlari bilan tanishishingiz mumkin. Shuningdek, xorijiy mutaxassislar ishtirokida o‘tadigan xalqaro konferensiyalar, ilmiy-amaliy seminarlar va sohadagi zamonaviy texnologiyalar namoyishi sizga juda qiziqarli bo‘lishi aniq.

Bu hammasi emas! Ko‘rgazma doirasida qiziqarli tanlovlar, asalarichilar o‘rtasida tajriba almashish, yoshlar uchun ko‘ngilochar tadbirlar ham o‘tkaziladi.

Bu bayram nafaqat asalning shifobaxshligini, balki asalarichilikning iqtisodiy va ekologik ahamiyatini anglash uchun ajoyib imkoniyatdir. Tadbirda ishtirok etish uchun 1–10 dekabr kunlari “Anhor” bog‘iga tashrif buyuring! Sizlarni shifobaxsh asal va iliq bayram kayfiyatida uchratishdan mamnun bo‘lamiz!

SSP matbuot xizmati