Joriy yilning 31 oktyabr kuni O‘zbekiston Savdo-sanoat palatasida O‘zbekiston Respublikasi Prezidenti huzuridagi Tadbirkorlikni qo‘llab-quvvatlash bo‘yicha jamoatchilik kengashining navbatdagi yig‘ilishi bo‘lib o‘tdi.

Yig‘ilishda tadbirkorlikka oid 7 ta normativ huquqiy hujjat loyihalari, xususan “Kichik va o‘rta biznes faoliyatini davlat tomonidan tartibga solishni takomillashtirish chora-tadbirlari to‘g‘risida”gi Qaror loyihasi, O‘zbekiston Respublikasining “Savdo to‘g‘risida”gi Qonun loyihasi, Tadbirkorlik subyektlarining barqarorlik reytingiga o‘zgartirish va qo‘shimchalar kiritish bo‘yicha takliflarni ko‘rib chiqish kabi masalalar Jamoatchilik kengashi aʼzolari tomonidan muhokama qilindi.

Muhokama jarayonlarida Iqtisodiyot va moliya vazirligi, Soliq qo‘mitasi masʼul vazirlik va idoralar masʼul xodimlari ishtirok etdi.

Yig‘ilish davomida normativ hujjat loyihalarida tadbirkorlar uchun salbiy taʼsir ko‘rsatadigan bir qator bandlar Jamoatchilik kengashi aʼzolari tomonidan hujjat loyihasidan chiqarish bo‘yicha takliflar bildirildi.

SSP matbuot xizmati