O‘zbekiston Savdo sanoat palatasi raisi o‘rinbosari Dilshod Rasulov Buyuk Britaniya parlamenti Lordlar palatasi aʼzosi Jon Desmond Veyverli bilan uchrashdi.

Suhbat davomida Jon Desmondga mamlakatimizda amalga oshirilayotgan keng ko‘lamli iqtisodiy islohotlar, jumladan, valyuta siyosati, erkin iqtisodiy zonalar, tadbirkorlik faoliyatini amalga oshirish uchun yaratilgan qulay shart-sharoitlar, shuningdek, xorijiy investorlar uchun yaratilgan imtiyoz va preferensiyalar haqida maʼlumot berildi.

Lord Veyverli tomonidan “Global Trade” butunjahon eksportyorlarini bir joyga jamlaydigan platformaning kichik taqdimoti namoyish etildi. Dilshod Rasulov ushbu platforma O‘zbekiston tadbirkorlari uchun eksport hajmini oshirishda qulay va samarali imkoniyat ekanligi qayd etdi.

Uchrashuv yakunlariga ko‘ra, ikki davlat ishbilarmonlari o‘rtasida o‘quv-seminarlar tashkil etish hamda manfaatli hamkorlikni yo‘lga qo‘yishga kelishib olindi.

SSP matbuot xizmati