Bugun Savdo-sanoat palatasida O‘zbekiston Respublikasi Prezidenti huzuridagi Tadbirkorlikni qo‘llab-quvvatlash bo‘yicha jamoatchilik kengashi aʼzolari hamda tadbirkorlar ishtirokida navbatdagi yig‘ilish bo‘lib o‘tdi.

Unda O‘zbekiston Respublikasi Vazirlar Mahkamasining “Umumiy ovqatlanish, mehmonxona va turoperatorlik xizmatlarini ko‘rsatuvchi tadbirkorlik subyektlarini rag‘batlashtirish va ularning qonuniy ishlashi uchun qo‘shimcha shart-sharoit yaratish chora-tadbirlari to‘g‘risida”gi Qaror loyihasi muhokama qilindi.

Qaror loyihasi O‘zbekiston Respublikasi Prezidentining tadbirkorlar bilan to‘rtinchi ochiq muloqotida belgilangan ustuvor vazifalardan kelib chiqib mutasaddi tashkilotlar tomonidan tayyorlandi.

Muhokamada Iqtisodiyot va moliya vazirining o‘rinbosari A.Haydarov, Soliq qo‘mitasi raisining birinchi o‘rinbosari M.Mirzayevlar ham ishtirok etib, tadbirkorlar va jamoatchilik kengashi aʼzolarining hujjat loyihasi yuzasidan takliflarini tingladilar.

SSP matbuot xizmati