Tadbir O‘zbekiston Savdo-sanoat palatasi hamda “O‘zyog‘moysanoat” uyushmasi ko‘magida o‘tkazilmoqda.

To‘rtinchi yildirki, O‘zbekiston sentyabr oyida don va moyli o‘simliklar bozorining asosiy ishtirokchilarining diqqat markazida bo‘lib, sotuvchilar va xaridorlar bilan uchrashish uchun Markaziy Osiyo mintaqasida asosiy biznes platformaga aylandi.

Konferensiya ochilish marosimida O‘zbekiston Savdo-sanoat palatasi D.Vaxabov so‘zga chiqib, ishtirokchilarini qutladilar va anjuman ishiga muvaffaqiyat tiladilar.

Konferensiyada ishtirok etish uchun Markaziy Osiyo, Qora dengiz mintaqasi va Yevropadan 200 nafar delegat keldi. Bular qishloq xo‘jaligi mahsulotlarini eksport va import qiluvchi kompaniyalar, qayta ishlash korxonalari, qishloq xo‘jaligi holdinglari, tarmoq birlashmalari, logistika va yuridik kompaniyalar, moliya institutlari hamda davlat organlari vakillaridir.

Ikki kunlik konferensiya doirasida B2B uchrashuvlar o‘tkazilishi, shuningdek, logistika, makroiqtisodiyotning dolzarb masalalari, g‘alla, moyli o‘simliklar bozorlari va qayta ishlangan mahsulotlarning tendensiyalari va istiqbollari ko‘rib chiqilishi ko‘zda tutilgan.

SSP matbuot xizmati