“Polsha-Osiyo” savdo palatasi prezidenti Yanush Pexochinskiy boshchiligidagi Polsha ishbilarmon doira vakillari delegatsiyasi Farg‘ona shahridagi Islom Karimov nomidagi Sanʼat saroyida Farg‘ona viloyatida ishlab chiqarilayotgan mahsulotlari bilan tanishtirildi.

Polshalik mehmonlar samimiy qabul uchun minnatdorchilik bildirib, yaqinlashib kelayotgan Mustaqillik bayrami bilan muborakbod etishdi. Yanush Pexochinskiy tashrif maqsadi qishloq xo‘jaligi, temir yo‘l, bandlik, oliy taʼlim, turizm, IT, transport-logistika sohalarida o‘zaro hamkorlik aloqalarini yo‘lga qo‘yish ekanligini maʼlum qildi.

Uchrashuv yakunida ikki mamlakat ishbilarmon doiralari o‘rtasidagi hamkorlikni kengaytirish maqsadida Savdo-sanoat palatasi Farg‘ona viloyati hududiy boshqarmasi hamda “Polsha-Osiyo” savdo palatasi o‘rtasida o‘zaro hamkorlik to‘g‘risida memorandum imzolandi.

SSP matbuot xizmati