Savdo-sanoat palatasi raisi o‘rinbosari v.v.b. H.Safarov hamda Savdo-sanoat palatasi Buxoro viloyati boshqarmasi boshlig‘i Sh.Sadillayev viloyatning ijtimoiy-iqtisodiy rivojlantirish, aholi turmush darajasini yaxshilash bo‘yicha amalga oshirilayotgan ishlar bilan yaqindan tanishish maqsadida bir qator ishlab chiqarish korxonalarida bo‘lishdi.

Jumladan, "Buxara Real Moto" MCHJ, "Akbarjon Baraka" MCHJ, “Qorovulbozor Agro parranda” MCHJ, "Buxoro agroklaster" MCHJ faoliyati bilan yaqindan tanishildi.

Tadbirkorlar bilan suhbat jarayonida faoliyatlarini rivojlantirish borasida to‘siq bo‘layotgan muammolar ko‘tarilib, ularni yechish bo‘yicha fikr mulohazalar bildirildi.

Shuningdek, qo‘shimcha ish o‘rinlari yaratish yuzasidan ham muzokaralar olib borildi hamda tadbirkorga ijtimoiy himoyaga muhtoj bo‘lgan fuqarolarni ish bilan taʼminlaganlarga mavjud imtiyozlar to‘g‘risida maʼlumot berildi.

SSP matbuot xizmati