Bugun Savdo-canoat palatasi raisi o‘rinbosari Davron Qurbonov va viloyat hokimi Murotjon Azimov boshchiligida 80 nafardan ortiq tadbirkorlar ishtirokida muloqot o‘tkazildi.

Unda tadbirkorlik subyektlari tomonidan ishlab chiqarish quvvatlarini oshirish, yangi imkoniyatlarni ishga solish, qo‘shimcha isteʼmol bozori topish hisobidan, Ijtimoiy himoya yagona reyestrida turgan oilalarni ishga olish imkoniyatlari ko‘rib chiqildi.

Tadbirda oziq-ovqat, charm-sanoat, hunarmandchilik, to‘qimachilik, qishloq xo‘jaligi, xizmat ko‘rsatish va boshqa sohalarda faoliyat ko‘rsatuvchi tadbirkorlik subyektlari o‘z takliflarini bildirdilar. Tadbirkorlar tomonidan yangi ish o‘rinlari yaratish va turli sohalarda rivojlanish uchun berilayotgan imkoniyatlar muhokama qilindi.

Mazkur muloqotning asosiy maqsadi viloyatda tadbirkorlik muhitini yana-da yaxshilash, yangi ish o‘rinlarini yaratish va aholi farovonligini oshirishga hissa qo‘shishdir.

SSP matbuot xizmati