Buxoro viloyati hokimi Botir Zaripov boshchiligidagi delegatsiya Rossiya Federatsiyasining yirik iqtisodiy hududlaridan biri bo‘lgan Tatariston Respublikasida bo‘ldi.

Tashrif doirasida O‘zbekiston Savdo-sanoat palatasi Buxoro viloyati boshqarmasi boshlig‘i Shoxruxali Sadillayev, Tatariston Respublikasi Savdo-sanoat palatasi raisi Shamil Ageyev va hudud ishbilarmon doiralari vakillari ishtirokida hamkorlikni kengaytirish borasida uchrashuv o‘tkazildi.

Uchrashuvda sanoat kooperatsiyasi hamda ishbilarmonlik aloqalarini faollashtirish, hududlararo hamkorlikni kengaytirish istiqbollari muhokama qilindi. Shuningdek, ikki hudud Savdo-sanoat palatalari o‘rtasida o‘tkaziladigan qo‘shma tadbirlar rejasi ko‘rib chiqildi.

Aytish joizki, O‘zbekiston va Tatariston o‘rtasida mustahkam iqtisodiy-gumanitar aloqalar o‘rnatilgan va ular izchil rivojlanib bormoqda. Uning uzviy davomi sifatida Kazan shahrida “Parvoz Xumo Ravnaq” MCHJning savdo uyini ochish yuzasidan muzokaralar o‘tkazildi.

Shuningdek, muloqot yakunida, Savdo-sanoat palatasi Buxoro viloyati boshqarmasi hamda "Volga" AJ o‘rtasida mikroelektronika va telekommunikatsiyalar sohasida hamkorlikni rivojlantirish maqsadida hamkorlik to‘g‘risidagi bitim imzolandi.

SSP matbuot xizmati