“Hisarcıklıoğlu” kompaniyasi raisi Emin Hisorjiqli o‘g‘li boshchiligidagi turk ishbilarmonlari delegatsiyasining 25-26 iyul kunlari Buxoro va Farg‘ona viloyatiga tashrifi amalga oshirildi.

Dastlabki, G‘ijduvon tumanida Buxoro viloyati hokimining birinchi o‘rinbosari B.Axmedov va hokimlik bosh arxitektori Z.Muxiddinov bilan uchrashuv tashkil qilindi.

Uchrashuv davomida Buxoro viloyatida amalga oshirilishi rejalashtirilgan loyihalar prezentatsiyasi bo‘ldi hamda hamkorlik aloqalarini rivojlantirish bo‘yicha o‘zaro fikr va takliflar almashildi.

Shu bilan birga, Farg‘ona viloyati hokimining birinchi o‘rinbosari X.Sirojitdinov, viloyat hokimining o‘rinbosari X.Ahmedov, Qo‘qon shahar hokimi M.Usmonov va Savdo-sanoat palatasi viloyat hududiy boshqarmasi boshlig‘i A.Yuldashevlar bilan uchrashuvi tashkil qilindi.

Muzokaralar davomida tomonlar Qo‘qonning yangi shaharsozlik master rejasini ishlab chiqish va samarali joriy etish, shuningdek shaharning xalqaro brendingini qayta shakllantirish masalalarida hamkorlik imkoniyatlari bo‘yicha fikr almashishdi.

Uchrashuvlar yakunlari bo‘yicha tomonlar o‘zaro hamkorlik jarayonida turk investorlarini jalb etish, turizmni rivojlantirish uchun yangi rivojlanish konsepsiyasini aniq belgilab olish va bundan kelib chiqqan holda o‘rta va uzoq muddatli rejalar ishlab chiqish bo‘yicha kelishib olishdi.

SSP matbuot xizmati