Joriy yil 11 iyul kuni Savdo-sanoat palatasi raisining birinchi o‘rinbosari v.v.b N.Umarova turli sohada faoliyat yuritayotgan tadbirkor ayollar bilan uchrashdi. Ular bilan tadbirkorlik faoliyati uchun yaratilgan imkoniyatlar, erishilgan yutuqlar va yuzaga kelayotgan muammolar haqida suhbatlashdi.

Uchrashuvda bugungi kunda mamlakatimizda tadbirkor xotin-qizlar uchun qulay muhit va shart-sharoit yaratish orqali ularni qo‘llab-quvvatlashga katta eʼtibor qaratilishi taʼkidlandi.

Shuningdek, davra suhbati davomida xotin-qizlar tadbirkorligini yuqori bosqichlarga olib chiqish, yangi faoliyatini boshlayotgan xotin-qizlarga tajribali ayol tadbirkorlardan amaliy tavsiyalar berish hamda ularning faoliyatlari bilan yaqindan tanishish maqsadida biznes sayohatlar tashkil etish borasida rejalar tuzildi.

SSP matbuot xizmati