Prezident Shavkat Mirziyoyev raisligida 20 fevral kuni ijtimoiy himoya sohasidagi ustuvor vazifalar muhokamasi yuzasidan videoselektor yig‘ilishida ehtiyojmand aholi, shu jumladan nogironligi bo‘lgan shaxslarni ishga olinishini Tadbirkorlik subyektlari barqarorlik reytingida aks ettirishni taʼminlash vazifasi belgilangan.

Mazkur topshiriq ijrosini taʼminlash maqsadida Tadbirkorlik subyektlarining barqarorlik reytingiga tadbirkorlar tomonidan “Temir daftar”, “Ayollar daftari”, “Yoshlar daftari”, ijtimoiy reyestrdagi va nogironligi bo‘lgan shaxslar bandligi taʼminlash — qo‘shimcha 5 ball va 10 ball beruvchi ko‘rsatkich sifatida kiritilgan.

Bugungi kunda ushbu qo‘shimcha ball beruvchi mezondan foydalanayotgan korxonalar soni 20 949 tani tashkil etmoqda.

Jumladan, 8 084 ta korxona jami xodimlarining 20 foizdan ortig‘ini ijtimoiy reyestrdagi va nogironligi bo‘lgan shaxslar tashkil etishi hisobiga 10 ballga, 12 865 ta korxona esa 10 foizdan 20 foizgacha bandligini taʼminlaganiga 5 ballga ega bo‘lgan.

SSP matbuot xizmati