09.12.2019 798

11-12 декабр кунлари Тошкентда Эрон ишлаб чиқарувчиларининг кўргазмаси, бизнес-форум ва B2B учрашувлари бўлиб ўтади


Эрон Ислом Республикаси саноат ва савдо вазири Р.Раҳмани бошчилигидаги делегациянинг Ўзбекистон Республикасига ташрифи доирасида 2019 йил 11-12 декабр кунлари "International" меҳмонхонасида Эрон ишлаб чиқарувчиларининг кўргазмалари бўлиб ўтиши режалаштирилган.

2019 йил 12 декабр куни икки мамлакат ишбилармон доиралари иштирокида Ўзбекистон-Эрон бизнес-форуми (соат 10:00 дан 12:00 гача) бўлиши кутилмоқда.

Ушбу тадбирларда тўқимачилик, кимё ва нефт-кимё саноати, транспорт ва логистика, металлургия, қурилиш, қишлоқ хўжалиги, қурилиш материаллари ишлаб чиқариш, озиқ-овқат, туризм ва савдо соҳаларида фаолият юритувчи 100 дан ортиқ Эрон ишбилармон доираларининг вакиллари иштирок этиши режалаштирилган.

Иштирокчилар рўйхати билан бу ерда танишишингиз мумкин.

Бизнес-форум давомида икки мамлакатнинг савдо-иқтисодий ва сармоявий салоҳиятига бағишланган маърузалар, шунингдек, Ўзбекистон ва Эрон корхоналари иштирокида кооперацион биржа ўтказилиши режалаштирилган.

Биз манфаатдор ишбилармон доираларни Эрон компаниялари билан музокараларда қатнашишга таклиф қиламиз. Рўйхатдан ўтиш учун қуйидаги рақамларга мурожат қилишингиз мумкун: (90) 017-34-37 ва (97) 262-26-16.

 

ССП Ахборот хизмати