02.08.2019 307

Коррупциясиз бизнес – фаровон келажак пойдевори


Бугунги кунда Ўзбекистон жаҳоннинг кўпгина давлатлари билан ўзаро манфаатли ҳамкорлик қилмоқда, мамлакатимизда бизнес-мухитни яхшилаш бўйича мустахкам ҳуқукий пойдевор яратилди, махаллий ва хорижий инвестициялар кенг жалб қилинмоқда.       

Мазкур инвестициялар тўғри ва тўлик ўзлаштирилиши, мамлакатимиз жаҳон хамжамиятида ўзининг муносиб ўрнини эгаллашини таъминлаш учун бизнес хамжамияти ўртасида қонунбузарликлар, биринчи навбатда жиноятлар содир этилиши, айниқса коррупцион ҳолатларнинг олдини олиш зарур ва бизнес бундай иллатлардан холи бўлиши шарт.

Олиб борилаётган барча сайъи харакатлар бизнес қонуний, халол ва шаффоф бўлишлигига қаратилган. Ўтказилган таҳлиллар шуни кўрсатмоқдаки, қонунбузарликларнинг аксарияти тадбиркорлар томонидан қонун талабларини билмаган ҳолда содир этилмоқда.

Қонунбузарликларга бахо беришдан аввал давлат ва тадбиркорлар ўртасидаги муносабатларга алохида эътибор қаратиш лозим, деб ҳисоблаймиз, яъни, айрим холатларда тадбиркорнинг ўзи ўз мақсадларига тез ва осон эришиш учун давлат органлари вакиллари билан ноқонуний алоқаларга киришишга харакат қилади, давлат органлари мансабдор шахсларига йўл қидиради.

Иккинчиси эса, давлат органлари тадбиркорларни ноқонуний муносабатларга киришишга мажбур қилади. Шунинг учун қонунчиликда ҳар иккала томонга хам жавобгарлик белгилаб қўйилган.

Жорий йилнинг 01 август куни Самарқанд шаҳрида ушбу мавзуга бағишланган очиқ семинар ўтказилди. Тадбирда Самарқанд вилоятида фаолият юритаётган тадбиркорлик субъектлари, вилоят прокуратураси, содиқ ва божхона бошқармалари ҳамда кенг жамоатчилик вакиллари иштирок этишди.

Семинарда Савдо-саноат палатаси бошқарма бошлиғи Б.Ибадуллаев сўзга чиқиб, “коррупция” тушунчаси, мазкур иллат жамият ривожланиши, биринчи навбатда мамлакатда бизнес учун келтирадиган хавфи тўғрисида атрофлича тушунтириш берди.

Йиғилиш давомида ҳуқуқбузарликлар профилактикаси бўйича Самарқанд вилоятида фаолият юритаётган тадбиркорлар томонидан содир этилган ҳуқуқбузарликлар ҳамда уларнинг содир этиш сабаблари ва бунга шароит яратган шарт-шароитлар муҳокама қилинди.

Европадаги хавфсизлик ва ҳамкорлик кенгаши билан Ўзбекистондаги хусусий секторда коррупцияга қарши курашиш тўрғисидаги лойиҳаси бўйича амалга оширилган ишлар бўйича маълумотлар берилди.

Ўзбекистон Республикаси Савдо-саноат палатаси томонидан 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Харакатлар стратегиясини “Фаол инвестициялар ва ижтимоий ривожланиш йили”да амалга оширишга оид Давлат дастурининг 4-бандига мувофиқ, коррупцияга қарши курашиш ва унинг олдини олиш бўйича бир қатор ташкилий ва амалий ишлар амалга оширилди.

Ўзбекистон Республикаси Президентининг 02.02.2017 йилдаги ПҚ-2752 сон қарори билан тасдиқланган “2017-2018 йилларга мўлжалланган коррупцияга қарши курашиш бўйича Давлат дастури” ижроси юзасидан аҳолининг ҳуқуқий онги ва ҳуқуқий маданиятини янада юксалтириш, ҳуқуқбузарликлар профилактикаси ҳамда коррупцияга қарши курашиш бўйича 2018 йил давомида барча ҳудудларда давлат органлари ҳамда тадбиркорлик субъектлари учун очиқ семинарлар ўтказилди.

Бизнес юритиш ва бизнес айирбошлашнинг тан олинган жаҳон стандартларини ҳисобга олган холда аҳлоқий меъёрларини бирхиллаштириш, аҳлоқий ва халол ҳулқ-атворни тарғиб қилиш, қонунбузарликлар ва коррупциянинг олдини олиш мақсадида, ЕХХТнинг молиявий кўмагида Бизнес юритиш этикаси кодекси ишлаб чиқилди ва тадбиркорлик субъектлари ўртасида тарқатилди.

Янги таҳрирдаги “Ўзбекистон Республикаси Савдо-саноат палатаси тўғрисида”ги Қонун билан Палатанинг ваколатлари аниқлаштириб берилди ва доираси кенгайтирилди.

Ҳусусан, Палатага тадбиркорлар фаолияти текширувдан ўтказилаётганида уларни ҳуқуқий, шу жумладан юридик жиҳатдан қўллаб-қувватлаш, улар фаолиятида ўтказилаётган  текширувда иштирок этиш, ҳуқуқни муҳофаза қилувчи ва назорат қилувчи органларнинг текширув якуни бўйича қабул қилган қарорлари устидан шикоят қилиш, жиноят ишлари бўйича иш юритишда тадбиркорларнинг жамоатчилик ҳимоячиси сифатида иштирок этиш каби ҳуқуқлари берилди.

Шу билан бирга ҳозирда Савдо-саноат палатаси ваколатларига сирасига солиқ органлари томонидан тадбиркор хисоб рақамларидан пул маблағларини ечиб олиш, ортиқча маблағларни ундириш холатлари устидан жамоатчилик назоратини олиб  бориш ваколати ҳам берилганлиги тўғрисида тушунча берилди.

 

Ўз ССП Ахборот хизмати