26.06.2020 167

O‘zbekiston Respublikasi Prezidentining 2020 yil 29 yanvardagi “Chorvachilik tarmog‘ini davlat tomonidan ko‘llab-quvvatlashning qo‘shimcha chora-tadbirlari to‘g‘risida”gi qarori ijrosi bo‘yicha.


O‘zbekiston Respublikasi Prezidentining 2020 yil 29 yanvardagi “Chorvachilik tarmog‘ini davlat tomonidan ko‘llab-quvvatlashning qo‘shimcha chora-tadbirlari to‘g‘risida”gi PQ-4576-sonli qarori ijrosini ta'minlash maqsadida 2020 yil 24 iyun' kuni Savdo-sanoat palatasi Farg‘ona viloyati hududiy boshqarmasi xodimlari va Farg‘ona shahar TKM rahbari I.Mamatxonovalar Farg‘ona shahrida joylashgan “Zangi Ota” fermer xo‘jaligida bo‘lib, xo‘jalikning faoliyati bilan yaqindan tanishdilar.

“Zangi Ota” fermer xo‘jaligi 1995 yilda tashkil qilingan bo‘lib, 2012 yildan hayvonlarning nasldorlik va mahsuldorlik sifatlarini yaxshilash maqsadida naslchilikka ixtisoslashtirilgan.

Fermer xo‘jalik tomonidan 2013 yilda Slovakiya davlatidan 24 bosh qoramol olib kelinib, hozirda ularning sonini 100 tagacha ko‘paytirishga erishilgan. 2018 yilda esa Gollandiya davlatidan qo‘shimcha 64 bosh qoramol olib kelingan.

Qoramollar uchun barcha shart-sharoitlar yaratilgan bo‘lib, mahalliy sigirlardan kuniga o‘rtacha 5-10 litr sut olinsa, naslli qoramollardan esa o‘rtacha 25-30 litrgacha sut olinmoqda.Hozirda 235 bosh “Goldshteyn” zotli (sut berishga moslashgan), qora-ola hamda sariq-ola rangli qoramollar mavjud bo‘lib, ulardan kuniga 1,5 tonnagacha sut sog‘ib olinmoqda.

Fermer ho‘jaligi rahbari R.Xolmatov kelgusidagi rejalari haqida gapirib, asosiy daromadi sut va sut mahsulotlaridan ekanligi sababli o‘z xududida 32 metrlik qo‘shimcha bino qurib, uni yarmida zamonaviy texnologiyalar asosida partizana (jahonning mashxur brendlaridan biri) italiya uslubidagi pishloq mahsulotlarining qattiq va suyuq turlarini ishlab chiqarishni hamda qolgan yarmida esa yoz mavsumida muzqaymoq tayyorlashni yo‘lga qo‘yishni rejalashtirayotganini aytib o‘tdi..

SSP Axborot-xizmati